Kriştianu Ronaldunun transfer qiyməti azalıb

Səudiyyə Ərəbistanının "Əl-Nəsr" klubunun və Portuqaliya millisinin üzvü Kriştianu Ronaldunun transfer qiyməti azalıb.

"Report" xəbər verir ki, məşhur "Transfermarkt" portalı onun qiymətini 15 milyon avrodan 12 milyona salıb.

Qeyd edək ki, 39 yaşlı hücumçu cari mövsüm 19 oyunda 16 qol vurub. Ümumilikdə isə o, rəsmi matçlarda 916 dəfə fərqlənən ilk futbolçu kimi tarixə düşüb.