Konfrans Liqası: "Neftçi"nin potensial rəqibi bəlli olub

"Neftçi"nin UEFA Konfrans Liqasının pley-offundakı rəqibi bəlli olub.

"Report"un məlumatına görö, "ağ-qaralar" III təsnifat mərhələsində Avstriyanın "Rapid" (Vyana) komandasını mübarizədən kənarlaşdırsa, növbəti raundda Lixtenşteynin "Vaduts" klubu ilə üz-üzə gələcək.

Lixtenşteyn təmsilçisi evdəki ilk matçda 1:1 hesablı heç-heçə etdiyi "Konyaspor"u Türkiyədə üstələyib - 4:2.

Qeyd edək ki, "Neftçi" hazırda Avstriyada "Rapid"lə üz-üzə gəlir və görüşdə hesab açılmayıb. Bakıdakı ilk qarşılaşmada Azərbaycan təmsilçisi 2:1 hesabı ilə qalib gəlib.