Bakı. 18 iyun. REPORT.AZ/ Konfederasiyalar Kubokunun "B" qrupunda I turun oyunu keçirilib.
"Report" xəbər verir ki, Çili və Kamerun komandaları arasında Moskvada keçirilən görüş cənubi amerikalıların 2:0 hesablı qələbəsi ilə başa çatıb.
Görüşdə qollar son dəqiqələrdə vurulub. 81-ci dəqiqədə yarımmüdafiəçi Arturo Vidal, 90+2-ci dəqiqədə isə Eduardo Varqas fərqlənib.
"B" qrupunun digər matçında Almaniya Avstraliya ilə qarşılaşacaq. Görüş iyunun 19-da Soçidə keçiriləcək.