“Keşlə” klubu heyətinə yeni futbolçu cəlb edib

Bakı. 9 yanvar. REPORT.AZ/ “Keşlə” klubu heyətinə yeni futbolçu cəlb edib.

Bu barədə “Report”a klubdan məlumat verilib. Bildirib ki, mövsümün ilk yarısında I Divizion təmsilçisi “Qaradağ Lökbatan”da çıxış edən Emin Mehtiyev hazırda komandanın məşqlərinə qatılır.

27 yaşlı yarımmüdafiəçi ilə 6 aylıq müqavilə bağlanılacaq. “Keşlə” bunadək Vüsal İsgəndərli və Con Kamaranı heyətinə qatıb.

Qeyd edək ki, Emin Mehtiyev karyerası ərzində “Neftçi”, “Sumqayıt”, “Səbail”, “Sabah” və  “Zaqatala”da da çıxış edib.