"Kəpəz"in baş məşqçisi və köməkçiləri istefa veriblər

"Kəpəz"in baş məşqçisi Azər Məmmədov və köməkçiləri komandadan ayrılıblar.

"Report"un Qərb bürosunun məlumatına görə, Gəncə klubunun çalışdırıcısı Premyer Liqanın XII turunda "Qarabağ"a 1:7 hesabı ilə məğlub olduqları oyundan sonra istefa verəcəyini bildirmişdi.

Bu gün onun istefa ərizəsi qəbul olunub və məşqçilər koprusu komandanı tərk ediblər.

"Kəpəz"i müvəqqəti olaraq əvəzedici heyətin baş məşqçisi Xaliq Mərdanov çalışdıracaq.