"Karşıyaka" klubu Mahir Şükürova olan borcu ödəyib

Futbol

20 yanvar, 2015
07:24

Karşıyaka klubu Mahir Şükürova olan borcu ödəyib

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 20 yanvar. REPORT.AZ/ Türkiyənin "Karşıyaka" klubunda çıxış edən Azərbaycan milli komandasının futbolçusu Mahir Şükürovun 2 aylıq maaşı ödənilib. "Report"un "Ajansspor"a istinadən verdiyi məlumata görə, 33 yaşlı müdafiəçi klubun ona verməli olduğu 55 min dollar əmək haqqını alıb.

Borcu ödəyərək, M.Şükürovu komandada saxlayan "Karşıyaka" rəhbərliyi qapıçı David Loriya, Dəniz Pıtır və pullarını almadıqları üçün şikayətçi olan Berkan Əmir və Çikeluba Ofoedu ilə yolları ayırıb.

Qeyd edək ki, bir neçə gün öncə 2 aylıq maaşının verilmədiyini bildirən Mahir Şükürov "Karşıyaka" klubundan FİFA-ya şikayət edərək, 55 min dollarını istəyib.