İspaniyada Konqo ilə yoldaşlıq oyunu ləğv edilib

İspaniyanın La Linea şəhərində iyunun 9-da keçirilməsi planlaşdırılan Konqo Demokratik Respublikası və Çili arasında yoldaşlıq oyunu ləğv edilib.

"Report" xəbər verir ki, qərarı şəhərin meri Xuan Franko qəbul edib.

O, Ebola virusu ilə bağlı ciddi narahatlıqlara görə bu addımı atıb.

X.Franko qərarın sırf profilaktik xarakter daşıdığını və Əndəlüsdəki regional səhiyyə xidmətlərinin tövsiyələrinə əsaslandığını bildirib. Səhiyyə mütəxəssisləri də potensial ictimai sağlamlıq risklərini əsas gətirərək matça etiraz ediblər.

Qeyd olunub ki, Konqo Demokratik Respublikası yığması bu yaxınlarda ölkədəki infeksiya vəziyyəti ilə əlaqədar məşq cədvəlini dəyişib.