İrlandiya millisinin baş məşqçisi ilə yeni müqavilə imzalanıb

İrlandiya Futbol Assosiasiyası milli komandanın baş məşqçisi Stiven Kenni ilə müqavilənin müddətini uzadıb.

"Report" qurumun rəsmi saytına istinadən xəbər verir ki, 51 yaşlı mütəxəssislə 2 illik yeni sözləşmə imzalanıb.

Qeyd edək ki, DÇ-2022-nin seçmə mərhələsində Azərbaycan millisi ilə eyni qrupda yer almış İrlandiya millisi Stiven Kenninin başçılığı altında son 10 oyunun cəmi birində uduzub.