İranlı hücumçu qol sevincinə görə futboldan kənarlaşdırıldı

Futbol

08 oktyabr, 2020
06:59

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Asiya Futbol Konfederasiyası (AFC) İranın "Persepolis" komandasının hücumçusu İsa Alekasiri sərt cəzalandırıb.

"Report" xəbər verir ki, buna 30 yaşlı forvardın Çempionlar Liqasının 1/4 final mərhələsinin Özbəkistan "Paxtakor"u ilə matçında nümayiş etdirdiyi qol sevinci səbəb olub.

O, ikinci hissənin əvvəlində fərqləndikdən sonra "qıyıq göz" işarəsi göstərib. Alekasirin hərəkətində irqçilik tərkibi olduğu qənaətinə gələn AFC-nin Nizam-İntizam Komitəsi oyunçunu 6 ay müddətinə futboldan kənarlaşdırıb. Futbolçu həmçinin 10 000 ABŞ dolları məbləğində cərimələnib.

Qeyd edək ki, sözügedən qarşılaşmada 2:0 hesablı qələbə qazanan "Persepolis" yarımfinala adlayıb.