İngiltərə millisinin bəzi azarkeşləri yoldaşlıq oyunundan sonra baş məşqçini istefaya səsləyiblər

İngiltərə millisinin bəzi azarkeşləri baş məşqçi Tomas Tuxeli istefaya səsləyiblər.

"Report" "The Telegraph" nəşrinə istinadən xəbər verir ki, bu, komandanın yoldaşlıq oyununda Seneqala uduzmasından sonra baş verib.

Fanatların əksəriyyəti rəqibin üçüncü qolundan sonra Nottinqemdəki stadionu tərk ediblər və bir neçəsi mütəxəssisin istefasını istəyiblər.

Qeyd edək ki, rəqibini səfərdə 3:1 hesabı ilə üstələyən Seneqal yığması tarixdə İngiltərə millisini məğlub edən ilk Afrika komandası olub. Tuxel bu ilin əvvəlində İngiltərənin baş məşqçisi təyin edilib.