İbrahimoviç özünə meşə hədiyə etdi

İtaliyanın "Milan" klubunun futbolçusu Zlatan İbrahimoviç növbəti dəfə qeyri-adi addımı ilə gündəmə gəlib.

"Report" "La Gazzetta dello Sport"a istinadən xəbər verir ki, isveçli hücumçu Milad bayramı münasibətilə özünə meşə satın alıb.

39 yaşlı forvard Norveçlə sərhəddə yerləşən ərazi üçün 3 milyon avro ödəyib.

İbrahimoviçin həmin bölgəni dağçılıq, balıqçılıq və dağ velosipedi məqsədilə istifadə etmək üçün icazəsinin olduğu iddia edilir.