İngiltərənin iki klubu Karlo Ançelottinin xidmətində maraqlıdır

İngiltərənin iki klubu İtaliyanın “Napoli” komandasının baş məşqçisi postundan istefaya göndərilən Karlo Ançelottinin xidmətində maraqlıdır.

“Report”un “Sky Sports”a istinadən verdiyi məlumata görə, hazırda baş məşqçi axtarışında olan “Arsenal” və “Everton” 60 yaşlı italiyalı mütəxəssisi gözdən keçirirlər.

Onunla müqavilə bağlamaq baxımından “topçular”ın daha şanslı olduqları bildirilir.

Qeyd edək ki, bu gün “Napoli”dən göndərilən Ançelotti daha öncə vətənində “Recina”, “Parma”, “Yuventus” və “Milan”, eləcə də İngiltərənin “Çelsi”, İspaniyanın “Real Madrid”, Fransanın PSJ və Almaniyanın “Bavariya” komandalarına rəhbərlik edib.