Fransa klubunun 2 futbolçusunda koronavirus aşkarlandı

Fransanın "Dijon" klubunun "Oser"lə sentyabrın 4-nə nəzərdə tutulan yoxlama oyunu təxirə salınıb.

"Report" Liqa 1 təmsilçisinin rəsmi saytına istinadən xəbər verir ki, buna komandanın 2 futbolçusunda koronavirus aşkarlanması səbəb olub.

Adları açıqlanmayan oyunçuların evlərində karantinə alındığı və həkim nəzarəti altında olduqları bildirilib.

Qeyd edək ki, "Dijon" Fransa çempionatının ilk 2 turunda xal qazana bilməyib.