Riberi onu "qızıl steyk"ə görə tənqid edən azarkeşləri söyüb - VİDEO

Bakı. 6 yanvar. REPORT.AZ/ Almaniyanın "Bavariya" klubunun fransalı yarımmüdafiəçisi Frank Riberi bir neçə gün öncə ona ünvanlanan tənqidlərə sərt cavab verib.

“Report” xəbər verir ki, buna Riberinin "Salt Bae" ləqəbli məşhur türk aşpaz Nüsrət Gökçenin restoranlarından birində çəkilmiş video paylaşması səbəb olub.

Fransalı futbolçu restoranda özünə üzəri nazik qızıl səthi ilə örtülmüş steyk sifariş edib. Yeməyin qiyməti 1200 avro olub və bu, bəzi azarkeşlər və KİV nümayəndələrinin qəzəbinə səbəb olub.

Riberi buna cavab olaraq "Twitter"də onu tənqid edənləri "qüsurlu qoruyucudan dünyaya gəlmiş paxıllar" adlandırıb və onların qohumlarını təhqir edib.

View this post on Instagram

No better way to start the year than with a dash of salt and a visit to my Turkish brother #SaltBae #fr7 #ELHAMDOULILLAH @nusr_et

A post shared by Franck Ribéry (@franckribery7) on Jan 3, 2019 at 1:09am PST