"Fənərbağça" "Roma"nın futbolçusunu transfer edir

Türkiyənin "Fənərbağça" komandası növbəti transferə hazırlaşır.

"Report" klubun rəsmi saytına istinadən xəbər verir ki, İstanbul təmsilçisinin anlaşdığı İtaliya "Roma"sının futbolçusu Dieqo Perotti Türkiyəyə gəlib.

Argentinalı yarımmüdafiəçi tibbi müayinədən keçdikdən sonra rəsmi müqaviləyə imza atacaq. "Sarı-göylər"in 32 yaşlı oyunçu üçün paytaxt klubuna təzminat ödəməyəcəyi bildirilib.

Qeyd edək ki, Dieqo Perotti 2020/2021 mövsümündə "canavarlar"ın heyətində meydana çıxmayıb.