"Fənərbağça" məşqləri bərpa etdi

Türkiyənin "Fənərbağça" futbol komandası məşqləri bərpa edib. 

"Report" yerli "Cumhuriyet" nəşrinə istinadən xəbər verir ki, İstanbul təmsilçisinin futbolçuları yüngül məşqlə kifayətləniblər. 

Oyunçular hazırlıqlarını 4 nəfərdən ibarət qruplarla davam etdirərək sosial məsafə qaydalarına riayət ediblər. Onların fərqli soyunub-geyinmə otaqlarından yararlandıqları və bir neçəsinin şəxsi maşını ilə təlim-məşq mərkəzinə gəldiyi vurğulanıb.

Qeyd edək ki, Türkiyə Super Liqası koronavirus pandemiyasına görə dayandırılıb. "Fənərbağça" son olaraq 18 martda məşq edib.