Federasiya prezidenti "Fənərbağça"dan istefa verdi

Türkiyə Futbol Federasiyasının (TFF) prezidenti Nihat Özdemir "Fənərbağça" klubu konqresindəki üzvlüyündən imtina edib.

"Report"un məlumatına görə, funksioner bu barədə NTV-yə açıqlama verib.

O, İstanbul klubundakı vəzifəsindən istefa verdiyini açıqlayıb. Özdemir artıq klubsuz olduğunu söyləyib.

Qeyd edək ki, Nihat Özdemirin "Ekonomist" jurnalının "Instgram" səhifəsindəki canlı yayımda "Türkiyədə 9 ildir danışılmış oyun söhbəti yoxdur" sözləri onun "Fənərbağça" ilə münasibətlərini pozub.