Əfsanəvi futbolçu "Aston Villa"ya baş məşqçi təyin olunub

İngiltərə Premyer Liqasında çıxış edən "Aston Villa" komandasına baş məşqçi təyin olunub.

"Report"un klubun rəsmi saytına istinadən məlumatına görə, bu vəzifə Stiven Cerrarda tapşırılıb. Ötənlərin əfsanəvi futbolçusu bu postda üç gün əvvəl istefaya göndərilmiş Din Smiti əvəzləyib.

"Sky Sport" Cerrardla 2024-cü ilin iyununadək müqavilənin bağlanıldığını yazıb. Bu keçid qarşılığında ingiltərəli sabiq yarımmüdafiəçinin indiyədək rəhbərlik etdiyi Şotlandiya "Reyncers"inə 3 milyon funt sterlinq kompensasiya ödəniləcək. Hazırda "Aston Villa" 16-cı pillədə qərarlaşıb.

Qeyd edək ki, Stiven Cerrard futbolçu karyerası ərzində yalnız İngiltərənin "Liverpul" və ABŞ-ın "Los Anceles Qelaksi" komandalarında çıxış edib. O, "Reyncers"ə 2018-ci ildə baş məşqçi təyin olunub. Cerrard bu komandaya 2020/2021 mövsümündə Şotlandiya çempionluğu qazandırıb.