Del Pyero xəstəxanaya yerləşdirildi

"Yuventus" futbol komandasının keçmiş hücumçusu Alessandro Del Pyero böyrəklərindəki daşa görə Los-Ancelesdə xəstəxanaya yerləşdirilib.

“Report” xəbər verir ki, bu barədə idmançı özünün “Instagram” hesabında bildirib.

Keçmiş hücumçu sosial şəbəkədəki səhifəsində tibbi müəssisədən şəkil, "böyrək sancısı" və "böyrək daşı" heşteqi ilə paylaşım edib.

"İndiyə qədər inana bilmirəm ki, üç santimetrlik kiçik daş bu qədər necə pis ola bilər", - Del Pyero yazıb.