Danimarka millisinin baş məşqçisi: İngiltərəni məğlub edə bilərdik

İngiltərəni məğlub edə bilərdik.

"Report" xəbər verir ki, bunu Danimarka millisinin baş məşqçisi Kasper Yulmann İngiltərəyə qarşı AVRO-2024-ün qrup mərhələsinin II turunun oyunundan sonra mətbuat konfransında deyib.

52 yaşlı çalışdırıcı heç-heçəyə görə məyus olmadığını bildirib: "Nəticəyə görə məyus deyiləm, amma daha yaxşısını edə bilərdik. Danimarka lazım olduğu kimi futbol oynayır. İngiltərəni məğlub edə bilərdik. Futbolçularımız yüksək əzmkarlıq və xarakter göstərdilər. 90 dəqiqə ərzində əllərindən gələn hər şeyi etdilər".

Qeyd edək ki, Almaniyada təşkil olunan AVRO-2024-ün C qrupunun matçında Danimarka İngiltərə yığması ilə heç-heçə edib - 1:1.