Daha bir ölkədə qadın və kişi futbolçuların ödənişləri bərabərləşdi

Braziliyanın kişi və qadınlardan ibarət milli komandaları bərabər əməkhaqqı alacaqlar.

"Report" Braziliya Futbol Konfederasiyasının rəsmi saytına istinadən xəbər verir ki, qadınlar və kişilərə təlim-məşq toplanışları, beynəlxalq matçlar zamanı eyni mükafat və ödənişlər ediləcək. 

Konfederasiyanın prezidenti Rojerio Kaboklo cinsiyyət fərqinin olmadığını və qurumun kişi və qadınlara bərabər davranacağını söyləyib. 

Qeyd edək ki, bundan əvvəl Avstraliya, Yeni Zelandiya və Norveç futbol federasiyaları qadın və kişilər üçün bərabər ödənişlər tətbiq edib.