Daha bir ölkədə çempionatın bərpa tarixi açıqlandı

Koronavirus pandemiyasına görə dayandırılan Avstraliya çempionatının bərpa tarixi açıqlanıb. 

"Report" Avstraliya Futbol Federasiyasının rəsmi saytına istinadən xəbər verir ki, çempionat iyulun 16-da qaldığı yerdən davam edəcək. Mövsümün sentyabra qədər başa çatdırılması nəzərdə tutulur. 

Matçlarda azarkeşlərin tribunalarda olmaq ehtimalı var, ancaq klubların arenaları qismən doldurmasına icazə veriləcək. 

Qeyd edək ki, Avstraliya çempionatı martın 24-də dayandırılıb.