Çempionlar Liqasının pley-off mərhələsində daha 3 oyun keçiriləcək

Bu gün UEFA Çempionlar Liqasında pley-off mərhələsinin daha 3 matçı keçiriləcək.

"Report"un məlumatına görə, ikinci oyun günündə III təsnifat mərhələsində gözlənilmədən Portuqaliya "Portu"sunu mübarizədən kənarlaşdıran Rusiyanın Krasnodar kollektivi Yunanıstanda “Olimpiakos”un qonağı olacaq.

Serbiya çempionu “Srvena Zvezda” İsveçrədə “Yanq Boyz”un müqavimətini qırmağa çalışacaq. Xorvatiya "Dinamo"su isə Norveçin “Rusenborq” komandasını qəbul edəcək. 

Çempionlar Liqası

Pley-off mərhələsi, ilk oyunlar

23:00. “Yanq Boyz” (İsveçrə) - “Srvena Zvezda” (Serbiya)

23:00. "Dinamo” (Zaqreb, Xorvatiya) - “Rusenborq” (Norveç)

23:00. “Olimpiakos” (Yunanıstan) - “Krasnodar” (Rusiya)