"Çelsi" müdafiəçisi ilə müqaviləni uzadıb, daha sonra onu icarəyə verib

İngiltərənin "Çelsi" klubu futbolçusu Baba Rahmanla müqavilənin müddətini uzadıb.

"Report" klubun rəsmi saytına istinadən xəbər verir ki, 25 yaşlı müdafiəçinin yeni sözləşməsi 2022-ci ilə qədər nəzərdə tutulub. 

London təmsilçisi müqaviləni yenilədikdən dərhal sonra qanalı oyunçunu icarəyə verib. Baba Rahman bir mövsüm İspaniyanın "Malyorka" kollektivinin formasını geyinəcək.

Qeyd edək ki, Baba Rahman 2015-ci ildə "Çelsi"yə keçib. O, bu vaxta qədər Almaniyanın "Şalke" və Fransanın "Reyms" klublarına icarəyə verilib.