Braziliya millisinin sabiq hücumçusu "Zirə"də

“Zirə” klubu yeni futbolçu ilə müqavilə bağlayıb.

"Report"un klubun rəsmi saytına istinadən məlumatına görə, braziliyalı hücumçu ilə Kayo Rangellə 1+1 illik müqavilə imzalanıb.

Qeyd edək ki, 24 yaşlı forvard daha əvvəl ölkəsinin "Kruzeyro", "Krisiuma", "Yuventude", "Parana", "San Bento", "Ferrovayra", İtaliyanın "Kalyari", Portuqaliyanın "Arouka" və "Eştoril" klublarının da şərəfini qoruyub. Braziliyanın 17 yaşadək futbolçulardan ibarət millisində də 8 oyun keçirən vinger 3 dəfə fərqlənib.

Kayo Rangel