Braziliya klubunun "Qarabağ"ın futbolçusuna təklif etdiyi maaş bəlli olub

"Qarabağ"ın futbolçusu Olavio Juninyonu transfer etmək istəyən Braziliyanın "Flamenqo" klubunun hücumçuya təklif etdiyi maaş bəlli olub.

"Report" xəbər verir ki, bu barədə "Flamengomelhor" nəşri məlumat yayıb.

A Seriyası təmsilçisinin 28 yaşlı hücumçu ilə aylıq 700000 Braziliya realı (təxminən 206000 manat) qarşılığında şifahi razılıq əldə olunduğu bildirilib.

"Flamenqo" Azərbaycan çempionuna isə 4 milyon avro təklif edib. Hazırda tərəflər arasında danışıqlar davam edir.

Qeyd edək ki, Olavio Juninyo 2023-cü ildən "Qarabağ"ın formasını geyinir. O, Azərbaycan çempionatının və kubokunun qalibi olub.