Braziliya klubu "Qəbələ"nin təklifini rədd etdi

Braziliyanın "Vitoriya" klubunun futbolçusu Eronildo dos Santos Roşanı heyətinə qatmaq istəyən Azərbaycan təmsilçisinin adı bəlli olub. 

"Report" "Globoesporte" nəşrinə istinadən  xəbər verir ki, "Qəbələ" 22 yaşlı hücumçunu icarəyə götürmək istəyib.

Oyunçunun agenti Antonio Qustavo təklifin "Vitoriya"nı razı salmadığını və klub tərəfindən rədd edildiyini bildirib.

Qeyd edək ki, Eronildo dos Santos Roşa Braziliyanın U-17 yığmasının formasını geyinib.