TFF: Merih Dəmiralın cəzalandırılması ilə bağlı xəbər həqiqəti əks etdirmir - YENİLƏNİB

UEFA tərəfindən Merih Dəmiralın 2 oyunluq cəza almasına dair xəbərlər həqiqəti əks etdirmir.

"Report" "TRT Haber"ə istinadən xəbər verir ki, bu barədə Türkiyə Futbol Federasiyası məlumat yayıb.

UEFA-nın sözügedən məsələ ilə bağlı araşdırması davam edir.

Almaniyada keçirilən Avropa çempionatının 1/8 finalının Avstriya millisi ilə matçında “bozqurd” işarəsi göstərən Türkiyə yığmasının üzvü Merih Dəmiralın cəzası açıqlanıb.

"Report" "Bild"ə istinadən xəbər verir ki, 26 yaşlı müdafiəçi 2 oyunluq diskvalifikasiya olunub.

UEFA futbolçunun əl hərəkətinə görə araşdırmaya başlamışdı.

Qeyd edək ki, "ay-ulduzlular" iyulun 6-sı, AVRO-2024-ün 1/4 finalında Niderlandla üz-üzə gələcək.