Böyük Britaniya səfirliyi "Qarabağ”ın "Çelsi" ilə səfər oyununa viza almaq istəyənlərə əlavə günlər təyin edib

Futbol
  • 29 avqust, 2017
  • 11:35
Böyük Britaniya səfirliyi Qarabağ”ın Çelsi ilə səfər oyununa viza almaq istəyənlərə əlavə günlər təyin edib

Bakı. 29 avqust. REPORT.AZ/ Böyük Britaniyanın Bakıdakı səfirliyi “Qarabağ” komandasının Çempionlar Liqasının qrup mərhələsinin I turunda “Çelsi” ilə səfər oyununu izləməkdən ötrü İngiltərəyə getmək istəyən azarkeşlərə viza vermək üçün əlavə günlər təyin edib.

Səfirlikdən “Report”a verilən məlumata görə, fanatlar bununla bağlı 29 - 31 avqustda Viza Ərizə Mərkəzinə müraciət edə bilərlər. Bu addım vizanı vaxtında əldə edə bilmək üçün atılıb. 

Qeyd edək ki, sentyabrın 12-də Londondakı "Stemford Bric" stadionunda keçiriləcək “Çelsi” – “Qarabağ” oyunu Bakı vaxtı ilə saat 22:45-də başlayacaq.

Son xəbərlər

Bütün Xəbər Lenti