Belarus klubu avrokubokdakı ev oyunlarını Bakıda keçirə bilər

Belarusun "Qomel" klubu UEFA Konfrans Liqasındakı ev oyunlarını Azərbaycanda keçirə bilər.

"Report" yerli mətbuata istinadən xəbər verir ki, siyahıda, həmçinin, Gürcüstan və Ermənistanın da adları var.

Klubun əsas üstünlüyü Azərbaycan və ya Ermənistana verəcəyi gözlənilir.

Qeyd edək ki, UEFA Belarus millisinin və klublarının ev oyunlarını öz meydanında keçirməsinə qadağa qoyub.