"Barselona" ilə oyundan öncə 6 futbolçu koronavirusa yoluxdu

Braziliyanın "Flamenqo" komandasının altı futbolçusunda koronavirus aşkarlanıb. 

"Report" klubun rəsmi saytına istinadən xəbər verir ki, infeksiyaya yoluxan oyunçuların adları açıqlanmayıb. Həmin şəxslərin təcrid edildiyi və hamısının xəstəliyinin simptomsuz olduğu bildirilib. 

"Flamenqo" hazırda Libertadores Kubokunda Quayakilin "Barselona" komandası ilə keçirəcəyi oyun üçün Ekvadordadır.