Bakı klubu Superliqa komandasına uduzub

Türkiyədə təlim-məşq toplanışında olan "Sabah" komandası növbəti yoxlama oyununu keçirib.

"Report"un məlumatına görə, Elşad Əhmədovun baş məşqçi olduğu kollektiv Superliqa təmsilçisi "Gənclərbirliyi" ilə üz-üzə gəlib.

Qarşılaşma "Sabah"ın 2:4 hesablı məğlubiyyəti ilə yekunlaşıb. Bakı klubunun heyətində Təmkin Xəlilzadə 2-ci, Emil Qasımov 52-ci dəqiqədə fərqlənib.

Qeyd edək ki, "Sabah" qonşu ölkədə Rumıniya "Konkordiya"sına uduzub - 1:2. Komanda Türkiyənin "Kəmərspor" klubuna 2:1, Qətərin "Əl-Şahaniyə" kollektivinə isə 3:1 hesabı ilə qalib gəlib.