Azərbaycanlı FİFA referisi UEFA-nın təşkil etdiyi kursa qatılacaq

Bakı. 7 iyun. REPORT.AZ/ Azərbaycanlı FİFA referisi Əliyar Ağayev İsveçrənin Nyon və Cenevrə şəhərlərində UEFA-nın təşkilatçılığı ilə elit və birinci kateqoriyaya daxil olan hakimlər üçün kursa dəvət alıb.  

"Report"un AFFA-nın saytına istinadən verdiyi məlumata görə, avqustun 1-də start götürəcək kursda ilk dəfə iştirak edəcək. 

Qeyd edək ki, Əliyar Ağayev bir neçə gün əvvəl UEFA tərəfindən birinci kateqoriyalı hakimlər siyahısına daxil edilib.