Azərbaycan və Lixtenşteyn yığma komandaları arasında yoldaşlıq oyunu olacaq

Martın 23-dən 31-dək Maltada təlim-məşq toplanışında olacaq Azərbaycan milli komandasının daha bir rəqibi müəyyənləşib.

"Report" AFFA-nın rəsmi saytına istinadən xəbər verir ki, milli martın 26-da Lixtenşteyn yığması ilə yoldaşlıq oyunu keçirəcək. Görüş Bakı vaxtı ilə saat 19:00-da başlanacaq.  

Qeyd edək ki, Azərbaycan yığması toplanış zamanı növbəti yoldaşlıq oyununda Malta yığması ilə qarşılaşacaq. Martın 30-da keçiriləcək görüş Bakı vaxtı ilə saat 21:00-da başlayacaq.