Azərbaycan minifutbol millisinin açıq məşqi baş tutub

Bosniya və Herseqovinanın paytaxtı Sarayevoda keçiriləcək Avropa çempionatında iştirak edəcək Azərbaycanın minifutbol millisinin açıq məşqçi baş tutub.

"Report" xəbər verir ki, hazırlıq prosesi Azərbaycan Cüdo Federasiyasının təlim-məşq mərkəzində gerçəkləşib.

Məşqdə yığmanın bütün oyunçuları iştirak ediblər.

Qeyd edək ki, Azərbaycan millisi iyunun 1-dən 8-ə kimi keçiriləcək Avropa çempionatının F qrupunda Fransa, İtaliya və Belçika ilə qarşılaşacaq.