Azərbaycan millisinin qapıçısı: "Rəqibin heyətində güclü futbolçular var"

"Sabah bizi çətin oyun gözləyir".

"Report"un məlumatına görə, bunu futbol üzrə Azərbaycan millisinin qapıçısı Şahruddin Məhəmmədəliyev səfərdə Lüksemburqa qarşı keçirəcəkləri dünya çempionatının seçmə mərhələ oyunundan öncə mətbuat konfransında deyib.

27 yaşlı qolkiper bildirib ki, rəqibin heyətində güclü futbolçular var: "Bu səbəbdən diqqətli oynamalıyıq. Meydanda əlimizdən gələni edəcəyik".

Qeyd edək ki, sentyabrın 1-də Lüksemburq stadionunda oynanılacaq qarşılaşma Bakı vaxtı ilə saat 22:45-də başlayacaq.