"Atletiko"nun futbolçusu: "Qarabağ"la oyundan sonra səhərədək yata bilmədim"

"Atletiko"nun futbolçusu: "Qarabağ"la oyundan sonra səhərədək yata bilmədim" Filipe Luis: "Səhər saat 8-də yuxuya getdim və 8:30-da ayıldım"
Futbol
279
28 Noyabr , 2017 10:12
Atletikonun futbolçusu: Qarabağla oyundan sonra səhərədək yata bilmədim

Bakı. 28 noyabr. REPORT.AZ/ İspaniyanın "Atletiko" klubunun futbolçusu Filipe Luis Çempionlar Liqasında "Qarabağ"la keçirdikləri oyunlardan sonra keçirdiyi hissləri etiraf edib.

"Report"un məlumatına görə, bu barədə braziliyalı müdafiəçi "Cadena Ser" radiosuna açıqlama verib.

32 yaşlı müdafiəçi deyib ki, Madriddə 1:1 hesablı heç-heçə etdikləri qarşılaşmanın ardından gecəni yata bilməyib: "Mən səhər saat 8-də yuxuya getdim və 8:30-da ayıldım".

Təcrübəli oyunçu "Atletiko"nun Çempionlar Liqasında 1/8 finala vəsiqə qazanmasının çox çətin olduğunu da vurğulayıb: "Əlbəttə, şansımız var. Amma "Atletiko"nun 16 ən güclü arasında olması çox çətindir".

Qeyd edək ki, "Atletiko" "Qarabağ"la Bakıda 0:0, Madriddə isə 1:1 hesablı heç-heçə edib. C qrupunda 5 turdan sonra 10 xalı olan İngiltərənin "Çelsi" komandası birinci yeri tutub və Çempionlar Liqasının 1/8 finalına vəsiqəni təmin edib. İkinci vəsiqə uğrunda 8 xala malik İtaliya "Roma"sı ilə 6 xalı olan "Atletiko" mübarizə aparır. Son turda "Roma" "Qarabağ"ı qəbul edəcəksə, "Atletiko" "Çelsi"nin qonağı olacaq. İspaniya təmsilçisi 1/8 finala yüksəlmək üçün İngiltərədə mütləq qalib gəlməli və "Roma"nın xal itkisinə ümid etməlidir. Filipe Luis 2014-2015 mövsümündə "Çelsi"də çıxış edib.   

Son xəbərlər

Orphus sistemi