"Arsenal"ın yeni baş məşqçisinin adı məlum olub

İngiltərənin "Arsenal" klubunun əsas komandasının baş məşqçisi bəlli olub.

"Report" London təmsilçisinin rəsmi saytına istinadən xəbər verir ki, bu posta Mikel Arteta gətirilib.

37 yaşlı mütəxəssislə 3.5 illik müqavilə imzalanıb.

Qeyd edək ki, Mikel Arteta 2011-2016-cı illərdə "Arsenal"ın formasını geyinib. O, son olaraq "Mançester Siti"nin baş məşqçisi Xosep Qvardiolanın köməkçisi olub.