Argentinada 14 yaşlı futbolçu yoluxucu xəstəlikdən vəfat edib

Argentinanın "Veles Sarsfild" klubunun 14 yaşlı futbolçusu Yair Rodriges Pereyra dünyasını dəyişib.

"Report" "filo.news" nəşrinə istinadən xəbər verir ki, oyunçu ağır yoluxucu xəstəlikdən sonra vəfat edib.

Hazırda futbolçunun ölümü ilə bağlı araşdırma aparılır.

Klubun prezidenti Fabian Berlanq bir neçə gün əvvəl Pereyranın qızdırması olduğunu və həkimlər tərəfindən müalicə edildiyini açıqlayıb: "Sonra sağalmadığı üçün müayinələr aparıldı və qəfildən bütün bədənini bürüyən yoluxucu xəstəlik ortaya çıxdı. Dünən gecə antibiotiklərlə infeksiyanı azaltmaq üçün əllərindən gələni etdilər, lakin nəticəsi olmadı".