“Araz-Naxçıvan”ın yoxlama oyunlarının təqvimində dəyişiklik olub

“Araz-Naxçıvan” futbol klubunun qış hazırlıq planı zamanı keçirəcəyi yoxlama oyunlarının təqvimində dəyişiklik olub.

"Report" Naxçıvan təmsilçisinin mətbuat xidmətinə istinadən xəbər verir ki, komanda əvvəlcədən nəzərdə tutulduğu kimi yanvarın 8-də klubun əvəzediciləri ilə deyil, bir gün sonra “Sumqayıt”la üz-üzə gələcək.

Görüş “Kapital Bank Arena”da keçiriləcək. Oyunun başlama saatı ilə bağlı əlavə məlumat veriləcək.

Qeyd edək ki, yanvarın 5-də bir araya gələcək “qırmızı-ağlar” ayın 9-da “Sumqayıt”, 11-də isə “Səbail”lə qarşılaşacaq.