“Araz-Naxçıvan” Çempionlar Liqası ilə məğlubiyyətlə vidalaşıb

Bu gün “Araz-Naxçıvan” futzal klubu UEFA Çempionlar Liqasının əsas mərhələsində son oyununu keçirib.

"Report"un məlumatına görə, Joze Alesio Da Silvanın baş məşqçi olduğu kollektiv V qrupdakı sonuncu görüşündə Bosniya və Herseqovina təmsilçisi “Mostar”la üz-üzə gəlib.

Bakı vaxtı ilə saat 22:00-da start götürən oyun meydan sahiblərinin qələbəsi ilə yekunlaşıb – 3:2.

Qeyd edək ki, qrupda keçirdiyi ilk iki oyunda da uduzan "Araz-Naxçıvan" növbəti mərhələyə çıxmaq şanslarını bu oyuna qədər itirmişdi.

Çempionlar Liqası

Əsas mərhələ, III tur

“Mostar” (Bosniya və Herseqovina) – “Araz-Naxçıvan” – 3:2

Qollar: Aladzic, 3, 12, Saselli, 33 – Vitao, 23, Amenqual, 34