Antonio Konte növbəti mövsümdə də "Napoli"ni çalışdırmağa yaxındır

"Napoli"nin (İtaliya) baş məşqçisi Antonio Konte növbəti mövsüm də komandada qalmağa yaxındır.

"Report" "Football Italia"ya istinadən xəbər verir ki, Neapol təmsilçisi italyalı mütəxəssisi klubda saxlamağa çalışır.

A.Konte rəhbərliklə münasibətlərinin gərgin olmasına baxmayaraq, komandada qalmağa razılıq verə bilər. Lakin bir çox məsələlərə baş məşqçinin "Napoli" prezidenti Aurelio De Laurentislə şəxsi görüşündən sonra aydınlıq gələcəyi bildirilir.

Qeyd edək ki, İtaliya A Seriyasının son qalibi bu mövsüm titulunu qoruya bilməsə də, gümüş medalları qazanmaq şansını saxlayır. A.Kontenin komandası 2025/2026 mövsümünün başa çatmasına iki tur qalmış 70 xalla turnir cədvəlinin ikinci pilləsində qərarlaşıb.