AFFA və TFF prezidentləri görüşdü

Alanyadakı "Oba" stadionunda keçirilmiş Türkiyə - Azərbaycan oyunundan əvvəl AFFA prezidenti Rövnəq Abdullayevlə Türkiyə Futbol Federasiyasının rəhbəri Nihat Özdemir arasında görüş keçirilib.

"Report"un məlumatına görə, görüşdə AFFA və TFF arasında qarşılıqlı əməkdaşlığın daha da inkişaf etdirilməsi baradə fikir mübadiləsi aparılıb.

Daha sonra xatirə hədiyyələri təqdim olunub.

Qeyd edək ki, qarşılaşma Türkiyənin 2:1 hesablı qələbəsi ilə yekunlaşıb.