AFFA Gənclər Liqasının başlayacağı vaxtı açıqladı

AFFA-nın təşkilatıçılığı ilə keçirilən Gənclər Liqası turnirinin (U-19 yaş qrupu) 2020/2021-ci il mövsümü üçün başlama vaxtı açıqlanıb. 

"Report" milli assosiasiyanın rəsmi saytına istinadən xəbər verir ki, yarışa oktyabrın 3-də start verilməsi planlaşdırılır.

Bununla əlaqədar liqada iştirak etmək istəyən komandalar sentyabrın 3-dən qeydiyyatdan keçmək üçün müraciət edə bilərlər.

Əvvəlki illərdə Gənclər Liqasında iştirak etmiş komandalar müraciətini Qeydiyyat və statistika şöbəsinə (registration@affa.az), yeni qoşulmaq istəyən komandalar isə Uşaq və gənclər üzrə yarışların təşkili şöbəsinə (liqalar@affa.az) ünvanlamalıdır.

O da qeyd olunub ki, Gənclər Liqasının əsasnaməsinin müddəalarına uyğun komandalar müraciət edə bilərlər.