“Formula 1” üzrə Azərbaycan Qran Prisi üçün ilk biletlər İngiltərədən alınıb

“Formula 1” üzrə Azərbaycan Qran Prisi üçün ilk biletin alındığı ölkə bəlli olub.

“Report”un məlumatına görə, bu barədə mətbuat konfransında açıqlama verilib.

Satışın başlamasından doqquz dəqiqə sonra Abşeron tribunası üçün üç biletin İngiltərədən alındığı diqqətə çatdırılıb.

Bildirilib ki, həmçinin, Azərbaycan və Rusiyadan da bilet alanlar olub.

Qeyd edək ki, Azərbaycan Qran Prisi 28-30 apreldə keçiriləcək.