Tokio-2020: Azərbaycan nümayəndə heyəti paraddan keçdi

Tokio-2020: Azərbaycan nümayəndə heyəti paraddan keçdi Azərbaycan nümayəndə heyəti Tokio-2020 Yay Olimpiya Oyunlarının açılış mərasimindəki paraddan keçib.
Fərdi
1200
23 İyul , 2021 15:41
Tokio-2020: Azərbaycan nümayəndə heyəti paraddan keçdi

Azərbaycan nümayəndə heyəti Tokio-2020 Yay Olimpiya Oyunlarının açılış mərasimindəki paraddan keçib.

"Report"un məlumatına görə, tədbirdə 27 nəfərlik heyət iştirak edib.

Onların arasında idmançılarla yanaşı, Azərbaycan yığmasının şef de-missionu Fərid Mansurov da yer alıb. Azərbaycan bayrağını cüdoçu Rüstəm Orucov və taekvondoçu Fəridə Əzizova daşıyıb.

Paradda olimpiadanın vətəni Yunanıstan birinci, qaçqınlardan ibarət Olimpiya komandası ikinci, İslandiya üçüncü, İrlandiya isə dördüncü keçib. Qaçqınların komandasından sonra sıralama Yaponiya əlifbasına əsasən aparılıb.

Pandemiya ilə əlaqədar nümayəndə heyətləri arasında böyük ara məsafəsi olub.

İştirakçılar rəsmi nümayəndələrdən ibarət 950 tamaşaçı ilə yanaşı, boş tribunaları da salamlayıblar.

Qeyd edək ki, Tokio-2020-nin bağlanış mərasimi avqustun 8-də keçiriləcək.

Son xəbərlər

Orphus sistemi