Şəhriyar Məmmədyarov Özbəkistandakı turnirə qələbə ilə start verib

Azərbaycan şahmatçısı Şəhriyar Məmmədyarov Özbəkistanda keçirilən "UzChess Cup" ənənəvi beynəlxalq turnirə qələbə ilə start verib.

Azərbaycan Şahmat Federasiyasından "Report"a verilən məlumata görə, ən güclülərin yarışdığı "Masters" bölümündə ölkəni təmsil edən Ş.Məmmədyarov birinci turda Hindistan şahmatçısı Vidit Santoş Gujrathiyə qalib gəlib.

Yarışın "Challenge" bölməsində Azərbaycanın iki şahmatçısı – Eltac Səfərli və Məhəmməd Muradlı da çıxış edir. Onların yarışında birinci turun partiyaları bu gün oynanılacaq.

Altı ölkənin qatıldığı beynəlxalq turnirə iyunun 15-də yekun vurulacaq.