Bakı 22° C
https://static.report.az/photo/9c46c2c0-ad1a-42a9-9a40-42928d34de1e.jpg
Bakı. 26 mart. REPORT.AZ/ Almaniyanın paytaxtı Berlindəki şahmat üzrə İddiaçılar Turnirində bu gün XIII turun görüşləri keçirilir.
"Report"un məlumatına görə, Azərbaycan təmsilçisi Şəhriyar Məmmədyarov ağ fiqurlarla rusiyalı Aleksandr Qrişukla üz-üzə gəlib. Görüş 39-cu dəqiqədə Məmmədyarovun qələbəsi ilə yekunlaşıb - 1:0.
Bununla da 33 yaşlı qrossmeyster turnirdə üçüncü qələbəsini qazanıb və xallarını 7,5-ə çatdırıb. Hazırda o, rusiyalı Sergey Karyakinlə 2-3-cü yerləri bölüşür. Karyakin bu tur qara fiqurlarla ABŞ təmsilçisi Uesli So ilə heç-heçə edib - 0,5:0,5. Məmmədyarov İddiaçılar Turnirində əvvəlki 2 qələbəsini də Rusiya təmsilçiləri - Sergey Karyakin və Vladimir Kramnik üzərində qazanıb.
Turnir cədvəlinə isə yenidən ABŞ-ın digər təmsilçisi Fabiano Karuana başçılıq edir. Karuana ağ fiqurlarla ermənistanlı Levon Aronyanı yenərək, 8 xalla vahid liderə çevrilib.
Din Lijen (Çin) - Vladimir Kramnik (Rusiya) görüşündə isə heç-heçə qeydə alınıb - 0,5:0,5.
Bu nəticədən sonra Lijen 7 xalla 4-cü, Kramnik 6 xalla 6-cı pillədə qərarlaşıb. Qalan şahmatçılara gəldikdə, Qrişuk 6,5 xalla 5-ci, So 5,5 xalla 7-ci, Aronyan 4 xalla 8-cidir.
Beləliklə, martın 27-də keçiriləcək sonuncu turda qarşılaşacaqlar: Aleksandr Qrişuk - Fabiano Karuana, Levon Aronyan - Uesli So, Sergey Karyakin - Din Lijen, Vladimir Kramnik - Şəhriyar Məmmədyarov. Azərbaycan təmsilçisi turnirin qalibi olmaq üçün Kramniki mütləq yenməli, Karuana və Karyakinin məğlubiyyətlərinə ümid etməlidir. Xallar bərabər olduqda əlavə göstəricilərə - şəxsi görüşlər, qələbə sayı, Zonneborn-Berger əmsalına baxılacaq. Bunlarda da bərabərlik olarsa, martın 28-də tay-breyk keçiriləcək.
***21:11
Almaniyanın paytaxtı Berlindəki şahmat üzrə İddiaçılar Turnirində bu gün XIII turun görüşləri keçirilir.
"Report"un məlumatına görə, Azərbaycan təmsilçisi Şəhriyar Məmmədyarov ağ fiqurlarla rusiyalı Aleksandr Qrişukla üz-üzə gəlib.
Görüş 39-cu dəqiqədə Məmmədyarovun qələbəsi ilə yekunlaşıb. Bununla da 33 yaşlı qrossmeyster turnirdə üçüncü qələbəsini qazanıb və xallarını 7,5-ə çatdırıb. Hazırda o, rusiyalı Sergey Karyakinlə 2-3-cü yerləri bölüşür. Karyakin bu tur qara fiqurlarla ABŞ təmsilçisi Uesli So ilə heç-heçə edib.
Turnir cədvəlinə isə yenidən ABŞ-ın digər təmsilçisi Fabiano Karuana başçılıq edir. Karuana ağ fiqurlarla ermənistanlı Levon Aronyanı yenərək, 8 xalla vahid liderə çevrilib.
Hazırda Din Lijen (Çin) - Vladimir Kramnik (Rusiya) görüşü davam edir.
Qeyd edək ki, Şəhriyar Məmmədyarov İddiaçılar Turnirində əvvəlki 2 qələbəsini də Rusiya təmsilçiləri - Sergey Karyakin və Vladimir Kramnik üzərində qazanıb.
