Şəhriyar Məmmədyarov FIDE reytinqində niyə irəliləyə bilməyib?

Beynəlxalq Şahmat Federasiyası (FIDE) yeni reytinq siyahısında dəyişikliklərin az olmasına aydınlıq gətirib.

"Report" FIDE-nin rəsmi tviter hesabına istinadən xəbər verir ki, qurum yanvarda qrossmeysterlərin iştirakı ilə keçirilmiş turnir sayının az olduğunu bildirib.

Ali şahmat qurumu Niderlandın Veyk-an-Zeye şəhərində keçirilmiş "Tata Steel Chess" turnirinin gec başa çatdığını və bu səbəbdən, nəticələrin növbəti ay reytinqində qiymətləndiriləcəyini yazıb.

Qeyd edək ki, Şəhriyar Məmmədyarov Niderland turnirində 13 oyundan 8 xalla ikinci olub. Bu isə Məmmədyarovun hazırkı durumda 5-ci pilləyə yüksəlməsinə şərait yaradıb.