Şahmat Olimpiadası: Kişilərdən ibarət Azərbaycan millisi Argentinaya qalib gəlib

Kişilərdən ibarət Azərbaycan millisi Hindistanın Çennay şəhərində keçirilən Ümumdünya Şahmat Olimpiadasında növbəti qələbəsini qazanıb.

"Report"un məlumatına görə, yığma III turda Argentina seçməsinə qalib gəlib.

Şəhriyar Məmməmdyarov və Rauf Məmmədov rəqiblərini məğlub edib, Nicat Abbasov isə heç-heçəyə razılaşıb. Hazırda Qədir Hüseynovun görüşü davam edir. 36 yaşlı qrossmeyster məğlub olsa belə, yekun nəticə dəyişməyəcək.

Komanda ilk turda Əlcəzairi 4:0, II turda isə Filippini 3:1 hesabı ilə üstələyib.

III tur

Azərbaycan – Argentina 2,5:0,5

Şəhriyar Məmmədyarov - Fernando Peralta - 1:0

Rauf Məmmədov - Federiko Peres - 1:0

Qədir Hüseynov - Leandro Krisa (görüş davam edir)

Nicat Abbasov - Dieqo Flores - 0,5:0,5

Qeyd edək ki, Ümumdünya Şahmat Olimpiadası avqustun 10-da başa çatacaq.